ახალი ამბები მთავარი საზოგადოება

“ხელები შორს ქართული ბუნებისგან…” – სააკაშვილი “ნამახვანჰესის“ მშენებლობზე

ექსპრეზიდენტი, მიხეილ სააკაშვილი სოციალური ქსელის საშუალებით ქუთაისში  “ნამახვანჰესის“ მშენებლობის მოწინააღმდეგეთა აქციის მიმდინარეობას ეხმიანება.

“მეტრონომი” მიხეილ სააკაშვილი მიმართვას უცვლელად გთავაზობთ.

“ჩემი სრული სოლიდარობა ნამახვანის მშენებლობის წინააღმდეგ ყველა ადამიანს, აქციის ყველა ორგანიზატორს. საქმე იმაშია, რომ თანამედროვე ეკონომიკა სულ სხვანაირადაა აშენებული, რეალურად, დღეს საქართველოსთვის ბუნების გადარჩენა, ადამიანის საცხოვრებელი კლიმატის გაუმჯობესება, ტურიზმის განვითარება ბევრად პრიორიტეტულია, ვიდრე თურქეთის ან ნებისმიერი მეზობელი ქვეყნისთვის იაფი ენერგიის მიმწოდებლად გადაქცევა. რატომ? მაგალითად, თავის დროზე მარტვილის კანიონის ტერიტორიაზე იყო ჰიდროელექტროსადგური. როდესაც ჩავედი, ვნახე ამხელა ტურისტული

პოტენციალი, დავაცლევინე ჰიდროელექტროსადგური, გავაუქმებინე, მოვაშორებინე და კოვიდამდე იქ ჩადიოდა 350 000 ტურისტი წელიწადში. ბევრად მეტი შემოსავალი აქვს ხალხს, ბევრად მეტი ადამიანია დასაქმებული, ვიდრე ჰესი დაასაქმებდა. აქ, უკრაინაში ზუსტად ნამახვანისხელა ჰესს აშენებდნენ დნესტრის ხეობაში, ეს არის ძალიან ლამაზი კანიონი, უზარმაზარი ტურისტული პოტენციალით.

ოდესის გუბერნატორი როცა ვიყავი, ჩემი პარტიიდან გავაკეთე ადგილობრივი აქტივისტების ორგანიზება, ჩავედით და გავაჩერებინეთ ამ უზარმაზარი ჰესის მშენებლობა. დღეს ყველა იქ მცხოვრები მადლობელია, რადგან ვითარდება ტურიზმი, აშენდა სასტუმროები, ხალხს გაუჩნდა შემოსავალი და აღარ არიან წასასვლელი მეზობელ ქვეყნებში სამუშაოდ.ზუსტად ასეთივე ულამაზესია ჩვენი ბუნება, არ შეიძლება მისი ხელის ხლება. ეს არის იმხელა საგანძური, რომ უბრალოდ უნდა გესმოდეთ, არსებობს ენერგიის წარმოების ბევრი სხვა საშუალება, ქარის ტურბინები, მზის ენერგია, უამრავი სხვა რაღაცა. ხელები შორს ქართული ბუნებისგან, საქართველოს სჭირდება კონკრეტული, გრძელვადიანი, სწორი განვითარება, რათა ხალხისგან არ დაცალოს. რაც შეეხება ნამახვანს, ვიცით, რომელი კაცის ინტერესია ჩადებული, საქართველოში ივანიშვილის ინტერესის გარეშე არც ერთი ჰესი არ შენდება. დარწმუნებული ვარ, საბოლოო ჯამში ხალხი გაიმარჯვებს ამ და ყველა სხვა საკითხში, ხალხის ენერგიას წინ ვერაფერი აღუდგება…” – წერს სააკაშვილი.

შეგახსენებთ, ქუთაისში “ნამახვანჰესის“ მშენებლობის მოწინააღმდეგეთა აქცია მიმდინარეობს.

ავიაბილეთები იაფად
იტვირთბა....

სხვა ამბები

ენტონი ბლინკენი – აშშ-მა, ევროკავშირმა და გაერთიანებულმა სამეფომ ერთობლივი ჯგუფი შექმნეს, რომელიც უკრაინას ომის დანაშაულების გამოძიებაში დაეხმარება

26 მაისი – დღეს საქართველო დამოუკიდებლობის დღეს ზეიმობს

მოხრე ვარ, როცა პარლამენტი დუღს, მაგრამ მგონია, რომ ქუჩის ამოძრავება მოგივწევს – ჩარკვიანი

რა უნდა შეეცვალა ამ დებატებს?  ეს იყო ერთმანეთის ლანძღვა-გინება და ერთმანეთისკენ ხელის გაშვერა – ნინო ბურჯანაძე

რუსული სანქციების დარღვევა შესაძლოა, დანაშაულად ჩაითვალოს – ევროკავშირის ინიციატივა

ხიდაშელი – ივანიშვილი კობახიძეს არა მარტო საშიშად მიიჩნევდა, პარტიიდან მის გაგდებასაც აპირებდა