“თელავში მამაკაცმა ქალი ნაჯახით მოკლა”. – ამ ინფორმაციას შინაგან საქმეთა სამინისტრო ავრცელებს. გამოძიებამ დაადგინა, რომ ბრალდებულმა თელავში, ნადიკვარის ქუჩაზე, ურთიერთშელაპარაკებისას, 1958 წელს დაბადებული ელენე თ-ს ნაჯახით თავის არეში სასაკივდილო ჭრილობა მიაყენა, რის შედეგადაც ქალბატონი შემთხვევის ადგილზე გარდაიცვალა.
სამართალდამცველებმა, ჩატარებული ოპერატიულ-სამძებრო და საგამოძიებო მოქმედებების შედეგად, დიმიტრი მ. თელავში, მომხდარიდან რამდენიმე საათში დააკავეს. დანაშაულის ჩასადენად გამოყენებული შესაძლო იარაღი – ნაჯახი ნივთმტკიცებად ამოიღეს. დაკავებული ჩადენილ დანაშაულს აღიარებს.
გამოძიება განზრახ მკვლელობის ფაქტზე მიმდინარეობს (საქართველოს სსკ-ის 108-ე მუხლით).