“რაღაცას წვალობს ბატონი მელია – როგორც ჩანს, ვერ ჩამოყალიბებულა, უნდა თუ არა, რომ გადაიხადოს გირაო. გვარს არა აქვს მნიშვნელობა – იქნება მელია, თუ სხვა გვარის წარმომადგენელი… ჩვენ ვართ სახელმწიფო, რომელიც კანონებით იმართება. შესაბამისად, ყველა ის მოქალაქე, ვინც აცხადებს, რომ არ ემორჩილება კანონს და სახელმწიფო ინსტიტუტებს, პასუხი არის ძალიან მარტივი: – სახელმწიფო კანონების შესაბამისად მოქმედებს. ყოვლად მიუღებელია უტიფარი განცხადებები, რომელიც ამ დესტრუქციული ოპოზიციის წარმომადგენლისგან მოვისმინეთ.“
ირაკლი ღარიბაშვილი – თავდაცვის მინისტრი.
ამის შესახებ მან ჟურნალისტებს განუცხადა.
ცნობისათვის, “ნაციონალური მოძრაობის” თავმჯდომარემ, ნიკა მელიამ განაცხადა, რომ გირაოს თანხას არ გადაიხდის. აქვე გეტყვით, რომ გირაოს გადახდის ბოლო ვადა დღეს არის.