ქართველ საესტრადო მომღერალს, მსახიობსა და ანსამბლ „ივერიას“ წევრ თემურ წიკლაურს 4 თებერვალს კოჯორში დაკრძალავენ.
პანაშვიდი დღეს და ხვალ ლურჯ მონასტერში გაიმართება. გასვენება კი ხუთშაბათს, 14:00 საათზე იქნება.
ცნობისთვის, თემურ წიკლაური კორონავირუსის გართულებების შედეგად პირველ თებერვალს გარდაიცვალა. მომღერალი 75 წლის იყო. წიკლაური კორონავირუსით ინფიცირების გამო, მკურნალობას გორში, სამხედრო ჰოსპიტალში გადიოდა.