ახალი ამბები მთავარი საზოგადოება

როდის მოიხსნება “კომენდანტის საათი” – პაატა იმნაძე კონკრეტულ თარიღს ასახელებს

“პალიტრანიუსის” კითხვას, თუ ფიქრობს საკოორდინაციო საბჭო “კომენდანტის საათის” მოხსნაზე, დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ უპასუხა, რომ “ალბათ, ყველაზე ბოლოს.” პაატა იმნაძე ფიქრობს, რომ ღამის საათებში გადაადგილების შეზღუდვა აპრილშიც გაგრძელდება, თუმცა, ამბობს, რომ ყველაფერი დამოკიდებულია იმაზე, როგორი სიტუაცია იქნება.

“ქართველები ვართ, ერთმანეთთან სტუმრად… მე, მაგალითად, ძალიან მომენატრა ჩემი მეგობრების ნახვა, თქვენ არ მოგენატრათ? მე ვერ ვნახულობ, წელიწადი გავიდა, ჩემს მეგობრებთან ერთად საღამოს არ ვყოფილვარ არსად” – ამბობს დაავადებათა კონტროლის ეროვნული ცენტრის დირექტორის მოადგილე და აღნიშნავს, რომ კომენდანტის საათი ინფექციის შორ მანძილზე გავრცელებას ზღუდავს.

თორემ ახლო მანძილზე ქეიფი რა, ყველა ამ ქალაქში ვცხოვრობთ, არვიცით, რომ მეზობლები ერთმანეთში გადადიან, ეზოში გადადიან, გადმოდიან? მარტივია, მეზობლებში რომ გადახვალ, ერთი კლასტერი ჩამოყალიბდება სამეზობლოშო, ანუ გავრცელება იქნება გეოგრაფიულად ერთ პატარა არეალში და რომ დაჯდები საღამოს ცხრა საათზე და ქალაქის ერთი ბოლოდან მეორე ბოლოში წახვალ მეგობართან, ნათესავთან, ჩაუჯდები და მერე იქიდან წამოხვალ, ინფექცია გავრცელდება გაცილებით დიდ გეოგრაფიულ არეალში.

ქართველები არ ვართ, არ ვიცით, როგორ ვცხოვრობთ, არ ვიცით ჩვენი ცხოვრების წესი თუ რა უნდა ავხსნა?” – კითხულობს იმნაძე.

ცნობისათვის, 28 ნოემბრიდან, საქართველოში კომენდანტის საათი 21:00-დან 05:00-მდე მოქმედებს. იქამდე, სამი კვირის განმავლობაში, ღამის საათებში გადაადგილების შეზღუდვა 22:00-დან იწყებოდა.

ავიაბილეთები იაფად

სხვა ამბები

სენატორები: აუცილებელია, ორივე მხარემ მოლაპარაკება კეთილსინდისიერად აწარმოოს

საქართველოში 4,5 მაგნიტუდის სიდიდის მიწისძვრა მოხდა

მტკვარში ქალის ცხედარი ნახეს

აშშ-ის საელჩო და ევროკავშირის წარმომადგენლობა: კიდევ ერთხელ აღვნიშნავთ ყველა მხარეს შორის კომპრომისის აუცილებლობას

მომდევნო რამდენიმე დღის განმავლობაში, საქართველოში ამინდი გაუარესდება

საქართველოს ბანკზე თავდასხმის ფაქტზე დაკავებულ ნიკოლოზ წურწუმიას ბრალი ოფიციალურად წარედგინა

იტვირთბა....