“არ მომეჩვენა, ვერ ვხვდები, ასეთი ხბოს აღტკინებით და აშკარად ნიშნისმოგებით რატომ გვეუბნებიან, რომ ორი წელი არაფერი არ იქნება უკეთესობის თვალსაზრისით!” – ამის შესახებ ჟურნალისტი, ლალი მოროშკინა სოციალურ ქსელში წერს.
მოროშკინა აღნიშნული განცხადებით ეპიდომპლოგების დღევანდელ განცხადებას ეხმიანება.
“მეტრონომი” ლალი მოროშკინას “ფეისბუქ” მიმართვას უცვლელად გთავაზობთ.
“სპეციალურად ჩავუჯექი და დღეს ვუსმინე ყველა ეპიდემიოლოგს.
არ მომეჩვენა, ვერ ვხვდები, ასეთი ხბოს აღტკინებით და აშკარად ნიშნისმოგებით რატომ გვეუბნებიან, რომ ორი წელი არაფერი არ იქნება უკეთესობის თვალსაზრისით!
ეს რამე ახალი თამაშია დაზაფვრა და ნიჰილიზმი? თურმე ზამთრის კურორტებზე მეგობრების შეკრება კლავს, თურმე ადამიანური ურთიერთობები დამღუპველია!
მამაჩემიც ექიმი იყო და ახალგაზრდა ექიმების თაობა მისი გაზრდილია.
უმთავრესი რასაც ამბობდა, ჯერ ადამიანის განწყობაა მთავარი, იმუნური სისტემის ასამუშავებლად და მხოლოდ მერე სამედიცინო დახმარება.
რატომ თრგუნავთ ხალხს?
რატომ ელაპარაკებით ნიშნის მოგებით?
რატომ გიხარიათ, ხალხის გაღატაკება და დაცემა.
ნუთუ აღარ არსებობენ ადამიანური ექიმები, რომლებიც გამოვლენ ავანსცენაზე და მათრახით კი არა, თაფლაკვერით განკურნავენ, აწ უკვე სულიერად ავადმყოფებს?
ეს გინდოდათ?
დაშინებული, გათითოკაცებული, დაზაფრული, უიმედო საზოგადოება?-გამოგივიდათ!
პ.ს. ალო, ლოხებო! ჩინეთში უვაქცინოთ გაქრა ყველანაირი დაავადება-ეს მაინც არაფერს გეუბნებათ?” – წერს ლალი მოროშკინა.
ცნობისთვის, დღეს, დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა, რომ კაცობრიობა ცხოვრების ჩვეულ რიტმს წელიწადნახევარში დაუბრუნდება.