ლაგოდეხში, ავტოავარის შედეგად ერთი ადამიანი გარდაიცვალა, ხოლო სამი დაშავდა.
არსებული ინფორმაციით, ერთმანეთს ოპელის მარკის ავტომობილები შეეჯახნენ.
ამ დროისთვის, დაზარალებულები სასწრაფოს ბრიგადებმა სხვადასხვა სახის დაზიანებებით ლაგოდეხის საავადმყოფოში მოათავსეს.
ექიმების თქმით, მათგან მძიმეა ერთის მდგომარეობა, რომლის გადაყვანა თბილისში, სპეციალიზებულ კლინიკაში გახდა საჭირო.
ავარიის სავარაუდო მიზეზად გადაჭარბებული სიჩქარე სახელდება.