ახალი ამბები მთავარი პოლიტიკა

აგვისტოს ომის საქმეზე სტრასბურგის სასამართლომ რუსეთის მიერ დარღვევა თითქმის ყველა ძირითად მუხლში დაადგინა

“საქართველო რუსეთის წინააღმდეგ – 2008 წლის ომის” საქმეზე ადამიანის უფლებების ევროპული სასამართლოს გადაწყვეტილება ცნობილია.

ევროსასამართლომ უკვე გამოაქვეყნა გადაწყვეტილება, სადაც სარჩელის დიდი ნაწილი საქართველოს სასარგებლოდ დააკმაყოფილა.

სასამართლომ წარდგენილი 8 მუხლიდან რუსეთს დარღვევა 6 მუხლში – სიცოცხლის უფლების, წამებისა და არაადამიანური მოპყრობის აკრძალვის, პირადი ან ოჯახური ცხოვრების თავისუფლების პატივისცემისა და საკუთრების უფლებაში დაადგინა.

სასამართლომ დაადასტურა, რომ 2008 წლის 12 აგვისტოს შემდეგ, რუსეთს აქვს ეფექტური კონტროლი ტერიტორიაზე და შესაბამისად, ყველა დარღვევა რაც მოხდა მას შეერაცხება.

სასამართლომ დაადგინა, რომ რუსეთმა “ეფექტური კონტროლი” განახორციელა ე.წ. სამხრეთ ოსეთსა და აფხაზეთის რეგიონებზე, “ბუფერულ ზონაზე” 2008 წლის 12 აგვისტოდან 2008 წლის 10 ოქტომბრამდე პერიოდში, რაც არის რუსეთის ჯარების ოფიციალურად გაყვანის თარიღი. ამ პერიოდის შემდეგ, რუსეთის წარმომადგენლობა იქ და აფხაზეთისა და ე.წ. სამხრეთ ოსეთის თვითგამოცხადებული ხელისუფლებების დამოკიდებულება რუსეთზე, მიუთითებს, რომ მისი “ეფექტური კონტროლი” ამ ორ რეგიონზე კვლავ გრძელდება.

სასამართლოს დასკვნით, დაირღვა კონვენციის მე-2, მე-3 და მე-8 მუხლები და მათ დარღვევაზე პასუხისმგებელია რუსეთის ფედერაცია.

სარჩელი საქართველოს ადამიანის უფლებათა ევროპულ სასამართლოში 2008 წლის 11 აგვისტოს შეიტანა და სასამართლომ ნაწილობრივ დასაშვებად 2011 წლის 13 დეკემბერს ცნო. 2012 წლის 3 აპრილს სასამართლოს პალატამ საქმის განხილვის იურისდიქცია დაუთმო დიდ პალატას.

სასამართლომ მტკიცებულებები მოისმინა მოწმეებისა და ექსპერტებისგან 2016 წლის 6-დან 17 ივნისამდე პერიოდში გამართულ მოსმენებზე. საქმეზე ზეპირი მოსმენა 2018 წლის 23 მაისს გაიმართა.

ავიაბილეთები იაფად
იტვირთბა....

სხვა ამბები

მოფარიკავე სანდრო ბაზაძე მსოფლიო თასის გამარჯვებულია

გოცირიძე ჯოკოვიჩზე: ან სერბმა მამაომ შეაცდინა, ან შიში აქვს, რომ დაჩიპავენ

სუბარი: სააკაშვილი ბოლომდე ვერ იაზრებს, რომ ციხეშია და იქ ჯდომა დიდი ხნით მოუწევს

ნათელაშვილი: სასწრაფოდ გაუქმდეს პარაზიტი აფხაზეთის საბჭო და ყველა ფულიჭამია უწყება

სამადაშვილი: დიდი ხანია, ადამიანის სიცოცხლე ამდენად გაუფასურებული არ ყოფილა ჩვენს ქვეყანაში

გვარამია: არც მინისტრი შეხვდა დევნილებს და არც პრემიერმინისტრი, ფეხებზე დაიკიდეს