როგორ და საიდან გაიქცა ბადრი ესებუა? – ბრალდებულის მამის განცხადება

ზუგდიდში “საქართველოს ბანკის” ფილიალზე თავდასხმაში ბრალდებული და ძებ­ნი­ლის მამა ტა­რი­ელ ესე­ბუა აცხადებს, რომ მისი შვილი უდა­ნა­შა­უ­ლოა.

როგორც ესებუა ამბობს, მას აქვს შიშ, რომ ბადრის მოკლავენ.

“ვინც ტე­ლე­ვი­ზი­ით აჩ­ვე­ნეს, ის არაა ჩემი შვი­ლი, ამა­ში 100%-ით ვარ დარ­წმუ­ნე­ბუ­ლი. თავ­დამსხმელს არც ბად­რის თვა­ლე­ბი ჰქონ­და, არც სი­მაღ­ლე და არც მა­ნე­რე­ბი… ჩემი აზ­რით, ბად­რი იმი­ტომ არ ჩნდე­ბა, ეში­ნია, რომ მოკ­ლა­ვენ. მეც ძა­ლი­ან მე­ში­ნია, მისი და­კა­ვე­ბის მო­მენ­ტში არ მოხ­დეს მისი ლიკ­ვი­და­ცია. არ მინ­და შვი­ლი მო­მიკ­ლან, ისე­დაც გა­ნად­გუ­რე­ბუ­ლი ვართ მთე­ლი ოჯა­ხი. ნა­ინ­ფაქ­ტა­რი კაცი ვარ და მას მერე ძლივს მიდ­გას სული. დე­და­მისს ნერ­ვი­უ­ლო­ბის ფონ­ზე ფსი­ქი­კუ­რი პრობ­ლე­მე­ბი და­ე­წყო, ლა­პა­რა­კიც უჭირს…

ისიც არ ვი­ცით, ცო­ცხა­ლია, თუ მკვდა­რი ჩვე­ნი შვი­ლი. ცო­ცხა­ლი თუა, მე­ში­ნია აყ­ვა­ნის დროს არ მოკ­ლან. ამა­ზე ფიქ­რით გავ­ნად­გურ­დით ორი­ვე­ნი… ჩვენ არც ისე გვი­ჭირ­და, არც ისე­თი ღა­რი­ბე­ბი ვართ, ფუ­ლის გამო ბად­რი ამ­ხე­ლა რის­კზე და და­ნა­შა­ულ­ზე წა­სუ­ლი­ყო, ამას ვე­რაფ­რით ვი­ჯე­რებ,”-განაცხადა ტარიელ ესებუამ “ამბები.ჯი”-ს.

ტა­რი­ელ ესე­ბუ­ას თქმით, მას წარ­მოდ­გე­ნა არ აქვს, სად შე­იძ­ლე­ბა იმა­ლე­ბო­დეს მისი შვი­ლი და არ გა­მო­რი­ცხავს, რომ შე­იძ­ლე­ბა ის ცო­ცხა­ლიც აღარ იყოს.

“არ ვიცი, სა­ქარ­თვე­ლო­შია თუ არა ჩემი შვი­ლი. იმა­საც ვფიქ­რობ, შე­იძ­ლე­ბა ცო­ცხა­ლიც აღა­რაა… 26-ში გავ­რცელ­და ინ­ფორ­მა­ცია, რომ ეჭ­ვმი­ტა­ნი­ლი ბად­რი ესე­ბუა იყო და მას მე­რეა, რაც იმა­ლე­ბა. ბად­რი დე­ი­დაშ­ვილ­თან იყო მი­სუ­ლი. ტე­ლე­ვი­ზი­ით რომ გავ­რცელ­და ბად­რის სა­ხე­ლი, ეს მას­ზე ადრე ბი­ძი­ნამ გა­ი­გო და როცა მას­თან მი­ვი­და, უთხრა ძმას, ასეა საქ­მეო. მერე ბად­რიმ ძმას გა­სა­ღე­ბი გა­მო­არ­თვა, ბი­ძი­ნა დე­ი­დაშ­ვილ­თან და­ტო­ვა, ჩაჯ­და მან­ქა­ნა­ში და წა­ვი­და ისე, რომ არა­ფე­რი და­უ­ბა­რე­ბია. ბი­ძი­ნას ამის მეტი ძმას­თან შე­ხე­ბა არ ჰქო­ნია. მერე ის მან­ქა­ნა ისეთ ად­გი­ლას გა­ჭე­დი­ლა, ბად­რიმ გზის გაგ­რძე­ლე­ბა ვე­ღარ შეძ­ლო და ფე­ხით წა­სუ­ლა. მას მერე იკარ­გე­ბა ბად­რის გზა-კვა­ლი და ბი­ძი­ნას და არც არა­ვის მას­თან არა­ნა­ი­რი კონ­ტაქ­ტი არ ჰქო­ნია. არ მინ­და, ჩემი შვი­ლი მოკ­ლან… მინ­და, ყვე­ლა­ფე­რი გა­ირ­კვეს, სი­მარ­თლე დად­გინ­დეს, მეტი არა­ფე­რი, თო­რემ შე­იძ­ლე­ბა ამ სი­ტუ­ა­ცი­ას მთე­ლი ოჯა­ხი ვემსხვერ­პლოთ,”- აცხადებს ესებუა.

ზუგდიდში “საქართველოს ბანკის” ფილიალზე თავდასხმაში ბრალდებულს ბადრი ესებუას ძალოვანი სტრუქტურა ამ დრომდე ეძებს, თუმცა მის კვალს ვერ მიადგენს.

ინფორმაციისთვის, 21 ოქტომბერს, ზუგდიდში საქართველოს ბანკის ერთ-ერთ ფილიალში შეიარაღებული მამაკაცი შეიჭრა, რომელმაც ფულის სანაცვლოდ 43 ადამიანი მძევლად მძევლები აიყვანა. ის ვერტმფრენს, უსაფრთხოების კორიდორსა და 500 000 დოლარს ითხოვდა, წინააღმდეგ შემთხვევაში მძევლების დახოცვით იმუქრებოდა. გვიან ღამით გამტაცებელმა სამ მძევალთან და 500 000 დოლართან ერთად დატოვა შენობა. სამივე მძევალი მან გამთენიისას გაათავისუფლა და მიიმალა.