რუსეთის მოსახლეობის ნახევარზე მეტსიკორონავისურის წინააღმდეგ რუსული ვაქცინის გაკეთებაზე უარს ამბობს. აღნიშნულ შედეგებს ცენტრ Levada ავრცელებს, რომელმაც მოსახლეობაში გამოკითხვა ჩაატარა.
გამოკითხვის სედეგებმა აჩვენა, რომ მოქალაქეების 58%-ს კორონავისურის წინააღმდეგ რუსული ვაქცინის, Sputnik V-ს, გაკეთება არ სურს. ვაქცინის გაკეთებისთვის მხოლოდ 38%-ია მზად.
გამოკითხვის თანახმად, გამოკითხულთა 30%-ს სურს ვაქცინის გამოცდის დასრულებას დაელოდოს, 30-ს ვაქცინის გვერდითი ეფექტების ეშინია ხოლო 12%-ს უკუჩვენება აქვს ვაქცინაზე. 12% კორონავირუსის აცრის გაკეთების აზრს ვერ ხედავს ხოლო 10% ზოგადად, ყველა ვაქცინას ეწინააღმდეგება.
Sputnik V პირველი რუსული დაპატენტებული და დარეგისტრირებული ვაქცინაა. ის გამალეას კვლევითმა ინსტიტუტმა შეიმუშავა.