მარნეულში, საკუთარ საცხოვრებელ სახლში ახალგაზრდა კაცი გარდაცვლილი იპოვეს. მომხდარი “მეტრონომს” შინაგან საქმეთა სამინისტროში დაუდასტურეს.
არსებული ინფორმაციას მამაკაცი სავარაუდოდ, ბუნებრივი აირის გაჟონვის შედეგად გარდაიცვალა.
როგორც “მეტრონომს” შსს-ში განუცხადეს, საქმეზე გამოძიება 240-ე მუხლის მე-2 პრიმა მუხლით დაიწყო, რაც ელექტრო- ან თბოენერგიის, გაზის, ნავთობის ან ნავთობპროდუქტების ობიექტის განლაგების, დაპროექტების, მშენებლობის ან ექსპლუატაციის დროს უსაფრთხოების წესების დარღვევა გულისხმობს, რასაც მოჰყვა ადამიანის სიცოცხლის მოსპობა ან სხვა მძიმე შედეგი.