თერჯოლის საავადმყოფოში კორონავირუსით ოთხი პაციენტი გარდაიცვალა.
როგორც “თერჯოლამედის” დირექტორი მედიასთან აცხადებს, კორონავირუსით გარდაცვლილი ოთხი პაციენტიდან სამი რეანიმაციულ განყოფილებაში იყო.
მისივე თქმით, 60-დან 80-წლამდე მამაკაცებს, სხვა თანმდევ დაავადებებთან ერთად გულის პრობლემაც ჰქონდათ. მათი მდგომარეობა თავიდანვე მძიმე იყო და გადარჩენა ვერ მოხერხდა.
რაც შეეხება, მე-4 პაციენტს, კლინიკის დირექტორისთ თქმით, 92 წლის მამაკაცი კლინიკაში ზუგდიდიდან იყო შეყვანილი. ის კლინიკაში შეყვანიდან ნახევარ საათი დაიღუპა. მასაც თანმდევი დაავადებები აღენიშნებოდა.
შეგახსენებთ, რომ დღეს, საქართველოში, კორონავირუსის 3 504 ახალი დადასტურებული შემთხვევა გამოვლინდა.