“ყველა ოპოზიციურ პარტიას ვთავაზობ ხვალ პირდაპირ ეთერს. დადგნენ ერთად ყველანი, ვისაც ბიძინას დამარცხება უნდა და მოუწოდონ ამომრჩეველს არჩევნებზე მოსვლისკენ!”
ნიკა გვარამია – “მთავარი არხის” გენერალური დირექტორი
ამის შესახებ ის სოციალურ ქსელში წერს.
შეგახსენებთ, ამ წუთებში თავისუფლების მოედანზე “ნაციონალური მოძრაობა – გაერთიანებული ოპოზიცია ძალა ერთობაშია” საარჩევნო შემაჯამებელ აქციას მართავს. აღნიშნულ აქციას რეგიონებიდან “ნაცმოძრაობის” მხარდამჭერები შეუერთდა. თავისუფლების მოედანზე გამართულ აქციაზე მისულ მხარდამჭერებს სიტყვით პარტიის ლიდერები მიმართავენ.