ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, დადასტურებული 527 შემთხვევიდან 190 (36%) აჭარიდანაა, 179 (34%) თბილისი, 91 – იმერეთი, 11 – კახეთი, 10 – შიდა ქართლი, 28 – ქვემო ქართლი, 3 – მცხეთა-მთიანეთი, 3 – გურია, 1- სამცხე-ჯავახეთი.
მისი თქმით, პაციენტების ნაწილი სტაციონარებში და კოვიდ სასტუმროებში მკურნალობს, უსიმპტომო პაციენტთა ნაწილი კი ბინაზე იმყოფება. კრიტიკულ მდგომარეობაშია 63 ინფიცირებული პაციენტი. 61 მართვით სუნთქვაზეა. კრიტიკული პაციენტებიდან 9 ოკუპირებული აფხაზეთიდან, 1 კი ოკუპირებული ცხინვალის რეგიონიდანაა.
“მოსახლეობის სიმჭიდროვის, რაოდენობის გათვალისწინებით, ამჟამად ყველაზე უფრო საშიში არის თბილისი და რაღაცნაირად უნდა მოვახერხოთ რეგულაციების სრულყოფილად დაცვა“ – განაცხადა მარინა ენდელაძემ.