ახალი ამბები მთავარი პოლიტიკა

საგარეო საქმეთა სამინისტრო სირიაში ოკუპირებული აფხაზეთის ე.წ. საელჩოს გახსნასთან დაკავშირებით განცხადებას ავრცელებს

საქართველოს საგარეო საქმეთა სამინისტრო სირიაში ოკუპირებული აფხაზეთის ე.წ. საელჩოს გახსნასთან დაკავშირებით განცხადებას ავრცელებს.

როგორც სამინისტროს განცხადებაშია ნათქვამი,  ე.წ. საელჩოს გახსნა იმ სრულიად უკანონო გადაწყვეტილების გაგრძელებას წარმოადგენს, რომელიც ასადის რეჟიმმა რუსეთის ზეწოლის შედეგად 2018 წელს მიიღო.

განცხადების თანახმად,  ევროპის წამყვანმა ქვეყნებმა საერთაშორისო ორგანიზაციებმა მკაცრად დაგმეს ასადის რეჟიმის უკანონო გადაწყვეტილება სოხუმსა და ცხინვალში რუსეთის საოკუპაციო რეჟიმებთან ე.წ. დიპლომატიური ურთიერთობების დამყარების თაობაზე.

„მოგეხსენებათ ამ უკანონო გადაწყვეტილების შემდეგ საქართველომ სირიის არაბთა რესპუბლიკასთან დიპლომატიური ურთიერთობები გაწყვიტა. მთელმა საერთაშორისო თანამეგობრობამ, ევროპის წამყვანმა ქვეყნებმა, აშშ-მა და საერთაშორისო ორგანიზაციებმა მკაცრად დაგმეს ასადის რეჟიმის უკანონო გადაწყვეტილება სოხუმსა და ცხინვალში რუსეთის საოკუპაციო რეჟიმებთან ე.წ. დიპლომატიური ურთიერთობების დამყარების თაობაზე. ამ არალეგიტიმურ გადაწყვეტილებას მკაფიოდ გაემიჯნენ სირიის ოპოზიციური ძალებიც, რომელთაც არაერთი დამგმობი განცხადება გააკეთეს და ამავდროულად ცალსახად დაუჭირეს მხარი საქართველოს ტერიტორიულ მთლიანობას მის საერთაშორისოდ აღიარებულ საზღვრებში. დარწმუნებული ვართ, რომ ერთ დღესაც, როცა სირიაში დღევანდელი არალეგიტიმური რეჟიმის არსებობა დასრულდება და ქვეყანა დემოკრატიული განვითარების გზას დაადგება, ეს უკანონო გადაწყვეტილებაც გადაიხედება და სირია დაუბრუნდება სუვერენიტეტისა და ტერიტორიული მთლიანობის პრინციპზე დაფუძნებული საერთაშორისო სამართლის ჩარჩოს“, – აცხადებენ საგარეო საქმეთა სამინისტროში.

 

ავიაბილეთები იაფად
იტვირთბა....

სხვა ამბები

ზალუჟნი: რუსეთის ქვედანაყოფების მეხუთედი დამარცხებულია

შეფერხება და რეგრესი სასამართლო სისტემის რეფორმაში – რა წერია EU-ს ანგარიშში

საქართველოში მედიაგარემო კვლავ პლურალისტური და კონკურენტუნარიანია, მაგრამ ძალიან პოლარიზებული – EU

სამკარისად არ იყო დაცული შეკრების უფლება და მომიტინგეების უსაფრთხოება – EU 5 ივლისზე

ოზურგეთში, ყოფილი ცოლის მკვლელობაში ბრალდებულს პატიმრობა შეეფარდა

EU-ს ანგარიშითს მიხედვით, სახალხო დამცველის ოფისზე იყო ზეწოლა, რაც პოლიტიკურად სენსიტიურ საკითხებზე ხმამაღლა გამოხმაურებამ განაპირობა