იუსტიციის სახლთან მოწყობილ დროებით ტესტირების პუნქტში კორონავირუსზე ტესტი 988 ადამიანს გაუკეთდა, მათგან ვირუსი 7-ს დაუდასტურდა, რაც 0.7%-ია – ამის შესახებ, დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.
როგორც გამყრელიძემ აღნიშნა, აჭარაში მოგზაურობის ისტორიის მქონე 2 200 მასწავლებლიდან 1 800 გაიტესტა, მათგან ვირუსი 14-ს დაუდასტურდა. გამყრელიძის ცნობით, უმეტესობა გურიაში გამოვლინდა.
“ანუ თბილისში ინფექციის აქტიური ცირკულაცია ჩვენ არ გვაქვს”, – განაცხადა გამყრელიძემ.