“დღეს ხელისუფლებას აწყობს მოსახლეობის პანიკასა და შიშში ყოფნა, რადგან ნაკლები ადამიანი მივა არჩევნებზე და ნაკლები დამკვირვებელი ჩამოვა, ეს კი პოლიტიკურად მხოლოდ მათ აწყობთ.“
ლევან კობერიძე – პარტია „ლელოს საქართველოსთვის“ წევრი
ამის შესახებ კობერიძემ ჟურნალისტებთან განაცხადა.
კობერიძის თქმით, ხელისუფლება დღეს ეპიდემიოლოგიური ვითარებას გამწვავებას აბრალებს ხალხს.
შეგახსნებთ, დღეს კოვრონავირუსის 158 დადასტურებული შემთხვევა გამოვლინდა. ამ დროისათვის საქართველოში კორონავირუსის 2075 შემთხვევაა დადასტურებული. გამოჯანმრთელდა კიდევ ცხრა პაციენტი – განკურნებულთა რაოდენობა სულ 1 363-ს შეადგენს. კორონავირუსის შედეგად, ქვეყანაში 19 პაციენტი გარდაიცვალა.