გარდაცვლილი თამარ ბაჩალიაშვილის YouTube-ის პირადი არხიდან ჩამოტვირთულია მისი გამოსახულებით 16 ვიდეოჩანაწერი – ამის შესახებ ინფორმაციას საქართველოს გენერალური პროკურატურა ავრცელებს.
უწყების ცნობით, მისი მობილური ტელეფონიდან, ასევე ჩამოტვირთულია თამარ ბაჩალიაშვილის გამოსახულებით სამი ვიდეოჩანაწერი. ჩანაწერებზე დანიშნულია ვიდეოსკოპური ექსპერტიზა.
შეგახსენებთ, რომ პროკურატურამ დღესქიმიურ-ტოქსიკოლოგიური ექსპერტიზის დასკვნაც გაასაჯაროვა, რომლის მიხედვით, გარდაცვლილი თამარ ბაჩალიაშვილის სხეულიდან აღებულ ბიოლოგიურ ობიექტებში: კუჭი, ღვიძლი, ნაღვლის ბუშტი, ნაწლავი, თირკმელი, კუნთი – აღმოჩნდა წნევის, ტკივილგამაყუჩებელი და საძილე პრეპარატების შემცველი ნივთიერებები.
ექსპერტიზის დასკვნით, გარდაცვლილის ორგანიზმში აღმოჩენილი მედიკამენტების ოდენობა ასეულებით აღემატება დადგენილ მინიმალურ ლეტალურ ოდენობას. ასევე, აღნიშნული მედიკამენტები ერთდროულად მიღებისას აძლიერებენ ერთმანეთის მოქმედებას ორგანიზმზე.