aviabiletebi
ახალი ამბები მთავარი

“ საქართველოს ჰყავს ლიდერები, რომლებიც ქვეყნის საუკეთესო ინტერესების ერთგულები არიან” – კელი დეგნანი

aviabiletebi
ავიაბილეთები

საქართველოს ჰყავს ლიდერები, რომლებიც საქართველოს საუკეთესო ინტერესების ერთგულები არიან და ყველაფერს აკეთებენ, რათა ქვეყანას ხელი შეუწყონ წარმატების, უსაფრთხოებისა და ეკონომიკური სტაბილურობის მიღწევაში, – ამის შესახებ საქართველოში ამერიკის შეერთებული შტატების ელჩმა, კელი დეგნანმა ჟურნალისტების კითხვას უპასუხა. დეგნანს კონგრესმენების წერილზე ჰკითხეს.

„ჩვენი ქვეყნის ხელისუფლებაში მკაფიო დაყოფა არის შტოებს შორის. ეს წერილი გახლავთ საკანონმდებლო ორგანოს, კონგრესის შტოს წერილი და ჩემი მხრიდან არ იქნება მართებული, რომ განცხადება გავაკეთო. მნიშვნელოვანია, მოვუსმინოთ და სერიოზულად მივუდგეთ კონგრესიდან წამოსულ წერილებს, რადგან ეს ის ხალხია, ვინც წლებია, აკვირდება საქართველოს განვითარებას და ზრუნავენ მის წარმატებაზე.

რაც შეეხება ჩემ პირად გამოცდილებას, მქონდა ურთიერთობა მმართველო პარტიის და ოპოზიციის წარმომადგენლებთან. მინდა ვთქვა, რომ საქართველოს ჰყავს ლიდერები, რომლებიც საქართველოს საუკეთესო ინტერესების ერთგულები არიან და ყველაფერს აკეთებენ, რათა ქვეყანას ხელი შეუწყონ წარმატების, კეთილდღეობის, უსაფრთხოებისა და ეკონომიკური სტაბილურობის მიღწევაში“,- განაცხადა ელჩმა.

იტვირთბა....