საქართველოში კორონავირუსი ჯამში სატვირთო ავტომობილების 63 მძღოლს აქვს დადასტურებული – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ბრიფინგზე განაცხადა.
როგორც გამყრელიძემ აღნიშნა, ეს ციფრი საკმაოდ დაბალი პროცენტია იმ მძღოლებისა, რომლებსაც ქვეყანაში ყოველდღიურად შემოაქვთ ტვირთი..
„მნიშვნელოვანია, რომ სერიოზულად გაზრდილია ტესტირება. საზღვარზე შემოსულ სატვირთო ავტომანქანების მძღოლებს დაახლოებით 40 000-მდე სწრაფი ტესტი აქვთ ჩატარებული. საეჭვო შემთხვევა მოწმდება „პისიარ“ ტესტით. 63 მძღოლს დაუდასტურდა კოვიდინფექცია. ბოლო 4 კვირის განმავლობაში
ერთ-ერთი მთავარი წყარო შემოტანილი შემთხვევების სწორედ სატვირთოების მძღოლები არიან. თითოეული მათგანის სწრაფი იდენტიფირება ხდება და არ მიეცათ მათ საშუალება, ინფექციის შემდეგომი გავრცელების. ამ სისტემამ კარგად იმუშავა. 63 მძღოლია, რაც საკმაოდ დაბალი პროცენტია იმ მძღოლებისა, რომლებსაც ყოველდღიურად შემოაქვთ ტვირთი საქართველოში, სადღაც 0.2 პროცენტის ფარგლებშია“, – აღნიშნა ამირან გამყრელიძემ.