მთავარი ციტატა

“ოჯახს ყოველდღიურად სასწრაფო სამედიცინო დახმარება სჭირდება” – ნიკოლაძე

„ძალიან ცუდ მდგომარეობაში იმყოფება ოჯახი. ყოველ დღე სასწრაფო-სამედიცინო დახმარება სჭირდებათ. ძალიან გვიმძიმს ეს ყველაფერი.ამას ემატება ისიც, რომ ყოველდღე ტელევიზორში უყურებენ ვიღაცის უნიჭო ფანტაზიის შედევრებს. ეს ყველაფერი მოქმედებს მათზე და ამძიმებს მდგომარეობას.”

მირიან ნიკოლაძე – გარდაცვლილი გიორგი შაქარაშვილის ბიძა, ადვოკატი

ამის შესახებ ნიკოლაძემ “აჭარის ტელევიზიის” ეთერში განაცხადა.

ამ ეტაპზე გიორგი შაქარაშვილის გარდაცვალების საქმეზე დაკავებულია 17 პირი. შსს-მ გამოძიებას სისხლის სამართლის კოდექსის 126-ე, ძალადობის მუხლიც დაამატა. ახლა გამოძიება ორი მუხლით მიმდინარეობს – თავისუფლების უკანონოდ აღკვეთისა (სსკ-ის 143-ე) და ძალადობის მუხლებით.

19 ივნისს საღამოს კლუბ „საბურთალოს“ ფეხბურთელის, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. სამართალდამცველებმა, სამაშველო სამსახურებმა და მყვინთავებმა შეტყობისთანავე დაიწყეს სამძებრო სამუშაოები. ფეხბურთელს 70 მეხანძრე-მაშველი და მყვინთავთა 7 ჯგუფი ეძებდა. 4-დღიანი უწყვეტი საძიებო სამუშაოების შედეგად მყვინთავებმა გიორგი შაქარაშვილის ცხედარი მდინარეში იპოვეს

ავიაბილეთები იაფად
იტვირთბა....