19 წლის გარდაცვლილი ფეხბურთელის, გიორგი შაქარაშვილის მეგობარი გიორგი მამუჩაშვილი საკმაოდ ემოციურ “ფეისბუქპოსტს” აქვეყნებს, სადაც ის საზოგადოებას მადლობას უხდის თანაგრძნობისთვის. პოსტში ვკითხულობთ, მას სრულიად უცნობი ადამიანი სწერენ, თანაგრძნობას გამოხატავენ და ამხნევებენ.
„ვუყურებ ამდენი ხალხის გვერდში დგომას სრულიად უცხო ხალხი მწერს, მამხნევებს, განიცდის რისთვისაც მადლობელი ვარ და დიდი შვება არის.
გიოს უცნობ ნაწერებს ვნახულობ. ვინც გიოს იცნობდა, იცის ჩვენი განსაკუთრებული ურთიერთობა და პატივისცემა ერთმანეთისადმი, ვუყურებ ყველას ნაწერებს.
მონაყოლს ვისმენ, ვიდეოებს ვნახულობ, კიდევ ახლიდან გავიცანი, ბოლომდე მისი გაცნობა შეუძლებელია, იმდენად განსხვავებულია და იმდენად დიდი სიყვარული, სიკეთე, სითბო დაგვიტოვა.
ახლიდან შემაყვარა თავი. არ ვიცი ამ გრძნობას რა ქვია, სიტყვებს თავს ვერ ვუყრი.
მინდა უსასრულოდ ვისაუბრო ამ საოცარ ვარსკვლავბიჭუნაზე. მიხარია და ამაყი ვარ, რომ შენ ჩემი ძმა გქვია, უფალს ებარებოდე მიყვარხარ!” – წერს გიორგი მამუჩაშვილი.