ახალი ამბები მთავარი მსოფლიო

ირანის პროკურატურამ ტერორიზმის ბრალდებით ტრამპის დაპატიმრების ბრძანება გასცა

ტრამპი

აშშ-ის პრეზიდენტის, დონალდ ტრამპისა და ათეულობით სხვა ამერიკელი მაღალჩინოსნის დაკავებასთან დაკავშირებით, ირანმა ინტერპოლს მიმართა.

ოფიციალური თეირანის თქმით, ბრალდებულები, რომლებიც დამნაშავენი არიან გენერალი ყასემ სულეიმანის მკვლელობაში უნდა დააპატიმრონ.

“დონალდ ტრამპსა და აგრეთვე 30 სხვა ადამიანს გენერალი ყასემ სოლეიმანის მკვლელობის საქმეზე ტერორიზმისა და მკვლელობის შეკვეთის გამო წარედგინა ბრალი.” – აცხადებს თეირანის გენერალური პროკურორი ალი ალქასიმერი.

მისი თქმით, ირანული სამართალდამცავი სისტემა გააგრძელებს სასამართლო საქმის წარმოებას ტრამპის პრეზიდენტობის დასრულების შემდეგაც კი. ზემოხსენებულ მიმართვაზე ინტერპოლი, რომლის შტაბბინა ლიონში, საფრანგეთში მდებარეობს არ გამოხმაურებია ირანულ სამართალდამცავ უწყებებს.

ალქასიმერმა ასევე აღნიშნა, რომ ირანმა მოითხოვა „წითელი ცირკულარის“ ამოქმედება, რომელიც ინტერპოლისთვის უმაღლესი დონის გაფრთხილებას წარმოადგენს და ითვალისწინებს ძებნილი პირის ადგილსამყოფლის იდენტიპიცირებასა და დაპატიმრებას.

ავიაბილეთები იაფად
იტვირთბა....