„არ მიყვარს ბრალდებები, რომ ვიღაც ჯაშუშია, ჩვენ გვაინტერესებს შედეგი. ივანიშვილისა და მისი პოლიტიკური არარაობების მმართველობის შედეგი კი არის ქვეყნის დასუსტება, საერთაშორისო ასპარეზზე საქართველოს საკითხის უკანა პლანზე წამოწევა, ხმის არ ამოღება, რომ მტერს ფასი დაუსვა შენი მოქალაქეების მკვლელობაზე. ვინ ვინ არის, ამას ქართული საზოგადოება წყვეტს, მაგრამ განწირულია ყველა, ვინც ასე აყენებს საკითხს. იმის მაგივრად, რომ საზოგადოებას უთხრას, როგორ გამოიყვანს ქვეყანას პრობლემებიდან, ეუბნება, მე ვიღაცებს არ შევუშვებ პარლამენტშიო. ეს არის ისტერიაში მყოფი ავტორიტარული პოლიტიკური ფიგურების იარლიყი.”
გიგა ბოკერია – “ევროპული საქართველოს” წევრი
ამით ბოკერია პრემიერ-მინისტრის დღევანდელ განცხადებას გამოეხმაურა, რომელმაც თქვა, რომ საკონსტიტუციო ცვლილებების დამტკიცების შემდეგ უკვე მთავარი ამოცანა დემოკრატიული, გამჭვირვალე არჩევნების ჩატარებაა. გიორგი გახარიას თქმით, საქართველოს ახალი მოწვევის პარლამენტში ქვეყნის მტრები აღარ უნდა იყვნენ