“ვიტყვი, რას უნდა აკეთებდეს ხელისუფლება და რა მაქვს მოლოდინი, რას გააკეთებს “ქართული ოცნება”. რუსეთს სპეცსამსახურის მეშვეობით მკვლელობები გაკეთებული აქვს ჩვენზე მეტად უფრო დაცულ ქვეყნებშიც. “ოცნების” მოსვლის დღიდან მისი შეცდომაც იმაში მდგომარეობს, რომ მათ ისეთი გახადეს სიტუაცია, თუ ენის ჩლიქინით დაელაპარაკები რუსეთს, ის შეწყვეტს მსგავს ქმედებას. რუსეთს აქვს თავისი სტრატეგიული ამოცანები და ყველა ქვეყნის ამოცანაა, რუსეთმა ამ ამოცანების განხორციელება ვერ შეძლოს.”
ზურაბ ჭიაბერაშვილი – ოპოზიციის წევრი
ამის შესახებ ჭიაბერაშვილმა დღის ამბებში ” სტუმრობისას განაცხადა.
შეგახსენებთ, რომ ქავთარაძის ქუჩაზე ჩატარებული სპეცოპერაციის დროს, აჰმედის სახელით ცნობილი დაკავებული ჩეჩენი ეროვნების 40 წლის კაცი, სინამდვილეში, რუსეთის მოქალაქეა და ის საქართველოში ჟურნალისტ გიორგი გაბუნიას ლიკვიდაციისთვის იყო ჩამოსული. მომხდარის მიზეზიც გაბუნიას მიერ პუტინის მისამართით, ჯერ კიდევ “რუსთავი 2”-ზე მუშაობისას, მის გადაცემაში გაკეთებული შეურაცხმყოფელი განცხადება იყო.