ვარკეთილში, შერეულ ბაზრობაზე ცეცხლის ლოკალიზება ამ დრომდე ვერ ხერხდება. ადგილზე 20-ზე მეტი სახანძრო-სამაშველო ბრიგადაა მობილიზებული.
ხანძრის კერასთან ახლოს მდებარე კორპუსიდან მოსახლეობის ევაკუაცია განხორციელდა. უსაფრთხოებიდან გამომდინარე მათ დენის მიწოდებაც შეუწყდათ. კორპუსში ძლიერი კვამლი შეინიშნებოდა.
ვარკეთილში ხანძარი დაახლოებით ერთი საათის წინ გაჩნდა. ცეცხლი საკმაოდ დიდ ფართობზეა გავრცელებული და მისი ლოკალიზება ჯერ ვერ ხერხდება.