ამერიკის შეერთებული შტატების ელჩი საქართველოში კელი დეგნანი გუბაზ სანიკიძის განცხადებას იმასთან დაკავშირებით, რომ აშშ-ის საელჩო ბიძინა ივანიშვილის სატელეფონო საუბრებს უსმენს, აბსურდს უწოდებს.
კელი დეგნანის თქმით, გაუგებარია, მსგავსი განცხადებები რის საფუძველზე კეთდება.
“ეს აბსურდია. მე დავინტერესდები, რა საფუძველზე აყენებს ვინმე ასეთ ბრალდებას, რომელიც აშკარად მცდარია”, – განაცხადა კელი დეგნანმა.
შეგახსენებთ, გუბაზ სანიკიძემ გადაცემა “პოლიტმეტრში” 20 ივნისის მოვლენებზე საუბრისას განაცხადა, რომ მისი აზრით, აშშ-ის საელჩო ბიძინა ივანიშვილის სატელეფონო საუბრებს უსმენს.