დედოფლისწყაროში, სოფელ გამარჯვებაში „ქართული ოცნების” საკრებულოს წევრს, გიორგი ჭინჭარაულს აღკვეთის ღონისძიების სახით პატიმრობაში შეეფარდა.
გადაწყვეტილება სიღნაღის რაიონულ სასამართლომ გამოიტანა.
პროცესზე ბრალდების მხარე პატიმრობას, ხოლო დაცვის მხარე დაკავებულის 5000 – ლარიანი გირაოს სანაცვლოდ გათავისუფლებას ითხოვდა.
სოფელ გამარჯვებაში ორი პირის განზრახ მკვლელობის მცდელობის ფაქტზე ჭინჭარაულს ბრალდება გუშინ წარედგინა.
წინა სასამართლო სხდომის თარიღად 5 აგვისტო, 12 საათზე ჩაინიშნა.
შეგახსენებთ, რომ 2 დღის წინ დედოფლისწყაროს საკრებულს წევრმა გიორგი ჭიჭარაულმა ორი თანასოფლელი, ასევე, მათი ნათესავები, ძმები ჭინჭარაულები დაჭრა. შემთხვევას წინ კონფლიქტი უძღოდა. დაჭრილები თბილისში არიან გადმოყვანილები.