კორონავირუსის ინფიიცრების დღეს გამოვლენილი შემთხვევებიდან 6 აჭარაში დადასტურდა.
აჭარის ჯანდაცვის მინისტრის მოადგილის, ნინო ნიჟარაძის ინფორმაციით, ექვსივე ინფიცირებული ე.წ. ქობულეთის კლასტერს უკავშირდება.
მისივე თქმით, ინფიცირებულებიდან ერთის მდგომარეობა მძიმე, დანარჩენის კი – სტაბილურია.
„გუშინ 40 კონტაქტი იქნა მოძიებული, მათგან რვა დაექვემდებარა ტესტირებას და ექვსის პასუხი იყო დადებითი. მათ შორის ერთი არასრულწლოვანია. ერთი პაციენტის მდგომარეობა არის მძიმე და საყურადღებო, სხვების კი – სტაბილური. კონტაქტები მოძიებულია რამდენიმე სოფელში და ქალაქ ქობულეთშიც, პროცესი გრძელდება“, – განაცხადა ნინო ნიჟარაძემ.
საქართველოში “კოვიდ-19”-ის ინფიცირების შემთხვევები 230-მდე გაიზარდა. მათგან 52 გამოჯანმრთელებულია, ხოლო 3 გარდაიცვალა.
ამასთან, კარანტინის რეჟიმშია 4829 ადამიანი, ხოლო სტაციონარში მეთვალყურეობის ქვეშ – 410 პირი.