11 წელი ექიმ ნეიროიმუნოლოგად, სამხრეთ კაროლინის უნივერსიტეტში მუშაობის შემდეგ ექიმმა დავით მრელაშვილმა გადაინაცვლა ტელემედიცინის სფეროში. ამჟამად აქვს მოქმედი სამედიცინო ლიცენზია და პრაქტიკა 27 შტატში და ტელემედიცინის საშუალებით კონსულტაციას უწევს 200-მდე ჰოსპიტალს ამერიკის მასშტაბით, განსაკუთრებით მძიმე ნევროლოგიურ შემთხვევებში.
ამის პარალელურად ის არის მრჩეველთა საბჭოში მრჩეველი, ანუ ე.წ. ედვაიზერი, ახალი პრეპარატების განვითარების მიმართულებით და არაერთი ბუმბერაზი ფარმაცევტული კომპანიებთან უწევს თანამშრომლობა, როგორიცაა Bayer-ი, Pfizer-ი, Novartis-ი და სხვა.
მისი თქმით, შანსი გვაქვს რეკორდულად დაბალი სიკვდილიანობის ქვეყანად ვიქცეთ მსოფლიოში COVID19-თან ბრძოლის კუთხით და შესაძლოა კორონავირუსგადატანილის სისხლი ოქროზე მეტად გაძვირდეს, რადგან მისი განცხადებით, თუკი გამოჯანმრთელებული პაციენტების შრატს გადავუსხამთ რომელიმე მძიმე პროგნოზის მქონეს, არაორდინალურ შედეგამდე მივალთ. დეტალებს დავით მრელაშვილი ვიდეოინტერვიუში საუბრობს.
არასარედაქციო რეჟიმში მუშაობის გამო ინტერვიუ ჩაწერილია მცირე ტექნიკური ხარვეზებით, რისთვისაც გიხდით ბოდიშს