ახალი ამბები მთავარი საზოგადოება

საქართველოში, კარანტინის რეჟიმში 1 925 ადამიანი იმყოფება

“კოვიდ-19”-ის გამო, კარანტინის რეჟიმში მყოფთა რაოდენობა 1925-მდე გაიზარდა. ინფორმაცია ამის შესახებ მთავრობის მიერ შექმნილ სპეციალურ ვებგვერდზე გამოქვეყნდა.

ვებგვერდზე განთავსებული მონაცემების მიხედვით, სტაციონარში მეთვალყურეობის ქვეშ 271 ადამიანი რჩება.

შეგახსენებთ, რომ დღეს “კოვიდ-19”-ით ინფიცირების 3 ახალი შემთხვევა დაფიქსირდა. საერთო ჯამში, დაინფიცირების შემთხვევათა რაოდენობა 43-მდე გაიზარდა.

43 ინფიცირებულიდან, უკვე გამოჯანმრთელდა 1 პირი, რომელიც 16 მარტს საავადმყოფოდან გაეწერა. 55 წლის მამაკაცი, რომელიც საქართველოში “კოვიდ-19”-ით ინფიცირებული პირველი პაციენტია, საავადმყოფოდან გაწერის შემდეგ, რამდენიმე დღეს თვითიზოლაციაში გაატარებს.

ჯანდაცვის მსოფლიო ორგანიზაციამ 30 იანვარს კორონავირუსი გლობალურ საფრთხედ, 11 მარტს კი, პანდემიად გამოაცხადა.

ავიაბილეთები იაფად
იტვირთბა....