დონალდ ტრამპის ადმინისტრაცია ეკონომიკის სტიმულირებისთვის 1,2 ტრილიონი დოლარის გამოყოფას გეგმავს. აღნიშნული გადაწყვეტილება ადმინისტრაციაში, კორონავირუსთან საბრძოლველად მიიღეს.
ამის შესახებ ინფორმაციას “ბლუმბერგი” ავრცელებს. მათი ინფორმაციით ფინანსური პაკეტი, რომელსაც ადმინისტრაციაში განიხილავენ ორი კვირის განმავლობაში ამერიკელებისთვის ათასი დოლარის ოდენობის ან მეტი თანხის პირდაპირ გადახდას ითვალისწინებს.
300 მილიარდი დოლარი მცირე ბიზნესისთვის კრედიტების სახით გაიცემა, 200 მილიარდი დოლარი სტაბილიზაციის ფონდებისთვის გამოიყოფა.