რუსთავში სასტუმრო „რუსთავი“ საკარანტინო ზონად გამოცხადდა. სასტუმროში დღეს დილით მოქალაქეები 14-დღიანი საკარანტინო პერიოდის გასავლელად გადაიყვანეს.
მოქალაქეები, რომლებიც სასტუმროში კარანტინს გაივლიან, საქართველოში იტალიიდან დაბრუნდნენ.
მოქალაქეების რუსთავის საკარანტინო ზონაში გადაყვანა ორ ეტაპად განხორციელდა – კერძოდ, მოქალაქეები იტალიიდან კიევისა და გერმანიის გავლით ჩამოფრინდნენ.
ამ დროისთვის რუსთავის საკარანტინო ზონაში ჯამში 46 ადამიანია მოთავსებული.
“გუშინ განმეორდა კორონავირუსით დაინფიცირებულ პირველ პაციენტთან ტესტირება covid19-ზე და პასუხი მივიღეთ უარყოფითი”, – შეგახსენებთ, ეს განცხადება თბილისის ინფექციური საავადმყოფოს სამედიცინო დირექტორმა, მარინა ეზუგბაიამ დღეს დილით გააკეთა.