aviabiletebi
ახალი ამბები მთავარი მსოფლიო

ვლადიმერ პუტინი და რეჯეფ თაიფ ერდოღანი იდლიბში ცეცხლის შეწყვეტაზე შეთანხმდნენ

aviabiletebi
ავიაბილეთები

თურქეთის პრეზიდენტის რეჯეფ თაიფ ერდოღანის განცხადებით, რუსეთის ლიდერთან ცეცხლის შეწყვეტაზე შეთანხმდა.

მისი თქმით, მხარეები შეთანხმდნენ, რომ 5 მარტს, ადგილობრივი დროით 00:00 საათზე ცეცხლი შეწყდება.

„დღევანდელ შეხვედრაზე ვისაუბრეთ იდლიბში არსებულ ვითარებაზე. თითქმის ექვსი საათი განვიხილავდით ამ თემას. როგორც იცით, ჩვენ გვაქვს სოჭის შეთანხმება, რომელსაც უნდა უზრუნველეყო იდლიბში მშვიდობა. დღეს ჩვენ შევთანხმდით, რომ ღამის 12:00 საათიდან ამოქმედდება ცეცხლის შეწყვეტა და ამ მიმართულებით გადაიდგმება ყველა ნაბიჯი“, – განაცხადა რეჯეფ თაიფ ერდოღანმა.

ვლადიმერ პუტინმა კი თავის მხრივ განაცხადა, რომ თურქეთისა და რუსეთი გარკვეულ საკითხებში ერთმანეთს არ ეთანხმებიან, თუმცა კრიტიკული მომენტების დროს გადაკვეთის წერტილების მონახვას ახერხებენ.

„ყოველთვის არ ვეთანხმებით თურქ პარტნიორებს, თუმცა ყოველ კრიტიკულ მომენტში ვახერხებთ გადაკვეთის წერტილების მონახვას. ასე მოხდა ამჯერადაც. დღეს ჩვენ დავადასრტურეთ, რომ უნდა შესრულდეს ასტანის ფორმატის ფარგლებში მიღწეული შეთანხმება. ასევე შევთანხმდით, რომ არ უნდა დავუშვათ ტერორიზმის წინააღმდეგ ბრძოლის შემსუბუქება. ჩვენ შევთანხმდით ერთობლივ დოკუმენტზე. მასში აღწერილია ის გადაწყვეტილებები, რომლებზეც მე და ერდოღანი შეხვედრის დროს შეთანხმდით. იმედი მაქვს, ეს შეთანხმება კარგი საფუძველი იქნება იდლიბში ცეცხლის შეწყვეტასთან დაკავშირებით და შექმნის ჰუმანიტარული პროცესის გაუმჯობესების შესაძლებლობას. ვფიქრობ, მოლაპარაკებები პოზიტიური იყო“, – განაცხადა ვლადიმერ პუტინმა.

იტვირთბა....