დაავადებათა კონტროლის ეროვნული ცენტრის ხელმძღვანელმა, ამირან გემყრელიძის თქმით, მას დიდი იმედი აქვს, რომ ინფექციის ზრდა ორი თვის განმავლობაში თანდათან შემცირდება.
როგორც მან აღნიშნა, ქვეყანაში ტექნოლოგიები განვითარდა და სამედიცინო ქსელი უფრო მეტად არის მომზადებული. მან კიდევ ერთხელ განმარტა, რომ 80%-ში დაავადება მსუბუქად მიმდინარეობს, 15% მწვავედ, 5% კრიტიკულად.
ბოლო მონაცემებით, ინფექციური საავადმყოფოს ბოქსირებულ განყოფილებაში სულ 19 პაციენტია მოთავსებული. ამის შესახებ ბოქსირებული განყოფილების ხელმძღვანელმა მარინა ენდელაძემ განაცხადა.