თბილისის მერის კახა კალაძის განცხადებით, უხარისხოდ შესრულებულ სამუშაოებზე თვალის დახუჭვა არ მოხდება.
აღნიშნული განცხადება კახა კალაძემ გლდანში მიმდინარე ინფრასტრუქტურულ სამუშაოებთან დაკავშირებით გააკეთა.
დედაქალაქის მერმა გლდანის გამგებელს მოუწოდა რომ გააკონტროლოს სამუშაოების დროულად შესრულება.
“გლდანში კონკრეტულად ორ ქუჩაზე მიმდინარე სამუშაოებზე, ეს არის ბოჭორიშვილი-ხიზაბავრის ქუჩები და ხარაძის ქუჩა, როდესაც მოხდა საგზაო ინფრასტრუქტურის მოწესრიგება და შევიდა ჩვენი ზედამხედველობის სამსახური და ლაბორატორია შემოწმებაზე იმისთვის, რომ ჩაებარებინა პროექტი, შესრულებული სამუშაოები იყო უხარისხო. თვალს ვერ დავხუჭავთ არასწორ შესრულებულ სამუშაოებზე და შესაბამისად ამ კომპანიას დაევალა თავისივე ხარჯებით მოაწესრიგოს საგზაო ინფრასტრუქტურა,” – განაცხადა კახა კალაძემ.