ახალი ამბები მთავარი პოლიტიკა

“რუსთავი 2” სტუდია “მონიტორსა” და “რადიო თავისუფლებასთან” ხელშეკრულების შეჩერებაზე განცხადებას ავრცელებს

რუსტავი2

ტელეკომპანია “რუსთავი 2” განცხადებას ავრცელებს, სადაც ნათქვამია, რომ გავრცელებული ინფორმაცია, თითქოს სტუდია „მონიტორთან“ პროექტი კონკრეტული ფილმის შინაარსის გამო შეჩერდა, სიმართლეს არ შეესაბამება.

როგორც ტელეკომპანიის განცხადებაშია აღნიშნული, „პროექტი დასრულდა ხელშეკრულებით გათვალისწინებული წესით და მისი ყველა პირობა შესრულდა.“

ტელეკომპანიის განცხადებას უცვლელად გთავაზობთ:

“რამდენიმე მედიასაშუალებასა და საჯარო სივრცეში გავრცელდა ინფორმაცია, რომ “რუსთავი 2-ის” ეთერში “სტუდია მონიტორის” პროექტი შეჩერდა კონკრეტული ფილმის შინაარსის გამო.

გავრცელებული ინფორმაცია და შეფასებები ეფუძნება ფაქტებით მანიპულირებას, ემსახურება “რუსთავი 2-ის” რეპუტაციის დაზიანებას და წარმოადგენს იმ კამპანიის ნაწილს, რაც არხის წინააღმდეგ ხორციელდება სტრასბურგის ადამიანის უფლებათა ევროპული სასამართლოს გადაწყვეტილების აღსრულების შემდგომ.

გავრცელებულ ინფორმაციაში არასწორადაა მითითებული, რომ პროექტი შეჩერდა კონკრეტული ფილმის შინაარსის გამო, ეს არ შეესაბამება რეალობას. პროექტი დასრულდა ხელშეკრულებით გათვალისწინებული წესით და მისი ყველა პირობა შესრულდა.

პროექტის ფარგლებში “რუსთავი 2-მა” ეთერში გაუშვა კონტრაქტით გათვალისწინებული ყველა ფილმი, მიუხედავად მათი შინაარსისა. არხს ფილმები მიეწოდებოდა ერთი დღით ადრე და ყოველგვარი მონიტორინგის  ან სარედაქციო ჩარევის გარეშე თავსდებოდა ეთერში დაგეგმილ დროს. ამდენად, მითითება, თითქოს რაიმე კონკრეტული ფილმის გამო შეჩერდა პროექტი, მით უფრო, მაშინ, როდესაც კონტრაქტი დასრულებულია, არაკორექტულია.

ამასთანავე, აღსანიშნავია, რომ “რადიო თავისუფლებას” ან “სტუდია მონიტორს” “რუსთავი 2-ის” მიმართ რაიმე პრეტენზია არ დაუფიქსირებია. ჩვენმა არხმა გამოთქვა “რადიო თავისუფლებასთან” სხვადასხვა ფორმატში თანამშრომლობის მზაობა, რაც ეცნობა წერილობით ამერიკის გლობალური მედიის სააგენტოსაც.

რაც შეეხება საჯარო სივრცეში გავრცელებულ კომენტარებს, მიუღებელია ფაქტების მანიპულაციაზე დაფუძნებული დაუსაბუთებელი კრიტიკა და არხის რეპუტაციის შემლახავი მიზანმიმართული კამპანია იმ პირებისაგან, რომლებიც მრავალი წლის განმავლობაში, როდესაც ტელევიზია კონკრეტული პოლიტიკური ჯგუფის მიერ კონტროლდებოდა, არ გამოხატავდნენ პროტესტს არხის სარედაქციო პოლიტიკაში უხეშ ჩარევაზე,”- ნათქვამია განცხადებაში.

.“მთავარი არხი” ინფორმაციას ავრცელებს, რომ “რუსთავი 2”-მა “სტუდია მონიტორის” ჟურნალისტური გამოძიება ეთერში არ გაუშვა

“სტუდია მონიტორის” ხელმძღვანელის, ნინო ზურიაშვილის განცხადებით, “სტუდია მონიტორისა” და “რადიო თავისუფლების” ერთობლივი პროექტი “რუსთავი 2”-ის ეთერში 2018 წლიდან გადიოდა.

მისივე თქმით, მიუხედავად იმისა, რომ ტელეკომპანიასთან კონტრაქტი ამოწურული იყო, დაგეგმილი იყო მათ მიერ მომზადებული 24 ფილმის გაშვება, 24-ვე ფილმის გაშვება მოხდა, თუმცა ეთერში ვეღარ მოხვდა 25-ე ფილმი, რომელშიც ბიძინა ივანიშვილის ქონებაზე იყო საუბარი.

 

ავიაბილეთები იაფად
იტვირთბა....

სხვა ამბები

(ვიდეო) ნაციონალების დ**ას …. – მოქალაქე დეკანოიძესთან მივიდა და ენმ-ს აგინა

თბილისში მედიამენეჯერების, აქტივისტებისა და პოლიტიკოსების საწინააღმდეგო პლაკატები გამოჩნდა

ვაშაძე მელიასა და ხოშტარიაზე: წარმატებებს ვუსურვებ მათ, უბრალოდ, განსხვავებული გზა გვაქვს

დეგნანი – „ფაიზერის“ ნახევარი მილიონი დოზა არის საჩუქარი პრეზიდენტ ბაიდენისა და ამერიკის მთავრობისგან ქართველი ხალხისთვის, ნიშნად ჩვენი მეგობრობისა

გამოვლინდა ინფიცირების 2 617 ახალი შემთხვევა, გარდაიცვალა 9 პაციენტი

ღარიბაშვილი: ნახევარი მილიონი დოზა ფაიზერი საქართველოშია, მადლობა პრეზიდენტ ბაიდენს, მადლობა ამერიკელ ხალხს