“თალაკვაძესა და ოცნებას თებერვლის ბოლომდე აქვს დრო, რომ გონს მოეგოს” – ვაშაძე

„ახალი საქართველოს“ ლიდერი გიორგი ვაშაძე, საქართველოს პარლამენტის თავჯდომარის, არჩილ თალაკვაძის განცხადებას ეხმაურება და აცხადებს, რომ თალაკვაძესა და „ქართულ ოცნებას“თებერვლის ბოლომდე აქვს დრო, რომ გონს მოეგოს.

„30%-იან „ქართულ ოცნებას“ ულტიმატუმებით საუბრის არანაირი უფლება არ აქვს. ქართული ოცნება“ აუცილებლად დამარცხდება, რა სისტემაც უნდა იყოს, სულ რომ ყველა მაჟორიტარულით შევიდეს, მაინც დამარცხდება. ოპოზიცია არ აპირებს ადგილებით ვაჭრობას, ჩვენ პრინციპულები ვართ, რადგან გვინდა, ქვეყნის მშენებლობა, მათ კი – თანამდებობების შენარჩუნება. მათ აინტერესებთ ერთადერთი რამ, როგორ შეინარჩუნონ ხელისუფლება, ჩვენ კი – გაჭირვებისა და უმუშევრობის დამარცხება, რაც ქვეყანაშია.

კიდევ ერთხელ მოვუწოდებ ბატონ თალაკვაძესა და მის გარშემო მყოფ ადამიანებს, უფრო ზემდგომ ლიდერებს, დროულად მოეგეთ ​გონს და საზოგადოების მოთხოვნები გაითვალისწინეთ. წინააღმდეგ შემთხვევაში, თქვენ ძალიან მძიმე მომავალი გექნებათ და საქართველოს თქვენს შემთხვევაში ძალიან მძიმე მომავალი ექნება. ამას ჩვენ დავუშვებთ არც ერთ შემთხვევაში“, – განაცხადა გიორგი ვაშაძემ.

შეგახსენებთ, რომ პარლამენტის თავმჯდომარემ განცხადება გაავრცელა და თქვა, რომ თუ ოპოზიცია საარჩევნო კანონმდებლობასთან დაკავშირებით მმართველი გუნდის შეთავაზებას არ დათანხმდება, შეთანხმების ფანჯარა თებერვლის ბოლოს დაიხურება.