ჰონგ კონგში კორონავირუსით გარდაცვალების პირველი შემთხვევა დაფიქსირდა. აღნიშნულ ინფორმაციას “როიტერსი” ავრცელებს.
ჩინეთის ჯანდაცვის რეგიონული კომიტეტის ინფორმაციით, კორონავირუსით ქვეყნის მასშტაბით 425-მდე ადამინი გარდაიცვალა, ხოლო ინფიცირებულთა რაოდენობა 20 400-მდე გაიზარდა.
ჩინეთის ჯანდაცვის ადგილობრივ კომიტეტში ასევე აცხადებენ, რომ ადგილობრივი დროით, 4 თებერვლის ღამის 12:00 საათის მონაცემებით, ახალი ტიპის კორონავირუსისგან 632 ადამიანი განიკურნა.
შეგახსენებთ, ჰონგ კონგში, ჩინეთთან საზღვრის დაკეტვის მოთხოვნით, ასობით მედიკოსი გაიფიცა.
ჰონგ-კონგმა ჩინეთთან სარკინიგზო და საბორნე მიმოსვლა შეაჩერა, თუმცა საავადმყოფოების თანამშრომლები, ახალი კორონავირუსის გავრცელების რისკის შესამცირებლად, საზღვრის სრულ ჩაკეტვას ითხოვენ.