aviabiletebi
ახალი ამბები მთავარი პოლიტიკა

“სირცხვილი ის არის, ნაცმოძრაობა, სირცხვილის კორიდორებს სხვა რომ უკეთებს” – მდინარაძე

aviabiletebi
ავიაბილეთები

უმრავლესობის ლიდერმა მამუკა მდინარაძემ ჟურნალისტებს განუცხადა, რომ ნამდვილი სირცხვილი ის არის, “ნაცმოძრაობა” და მისი სატელიტები „სირცხვილის კორიდორებს“ სხვა ვინმეს რომ უკეთებენ.

მისივე თქმით, დემოკრატიაში რაღაც ფასის გადახდა ყველა სახელმწიფოს უწევს, ვისაც უნდა დემოკრატიის ხარისხის გაუმჯობესება და დემოკრატიული ღირებულებების ერთგულება.

“თუ მათ ნამდვილად უნდათ, რომ ოპონირების რეჟიმში შევიდნენ და ვიკამათოთ მათთან რაიმე თემაზე, მათ შეუძლიათ ეს 30-40 კაციანი აქციებიც გააგრძელონ, შემოვიდნენ და აქაც ვიკამათოთ რეალურ თემებზე, რეალურ გამოწვევებზე, იმაზე იყო თუ არა შეცდომა, დაპირებისგან უკან წასვლა, გადაწყვეტილების აუსრულებლობა, იყო თუ არა სპექტაკლი თუ შიდადემოკრატიული პროცესი. ამ თემებზე სალაპარაკოდ არ შემოდიან ერთადერთი მიზეზით -ამ არგუმენტებში აუცილებლად დამარცხდებიან. შემდეგ ვერ გაუგზავნიან ჩვენს პარტნიორებს და მეგობრებს ყალბ და „ფეიკ“ ნიუსებს. ამ კამათში გამოიკვეთება სიმართლე და სიმართლე გამოიკვეთება მაგალითად, პარლამენტის თავმჯდომარისა და ვიცე -სპიკერის ამერიკაში ვიზიტის დროს, სადაც ვამხელთ იმ „ფეიკ ნიუსებს“, რომელზე დაყრდნობითაც გარკვეული განცხადებები კეთდება“, – განაცხადა მდინარაძემ.

მისივე თქმით, თუ პიკეტირების დროს იქნება საკანონმდებლო საქმიანობაში ხელშეშლა, ამას მოყვება შესაბამისი რეაგირება.

“თუ იქნება სირცხვილის კორიდორი და ამ შემთხვევაში არმოხდება ხელშეშლა გადაადგილებაში, არ შეიზღუდება საქმიანობა, მაშინ ბუნებრივია, რაიმე კანონისმიერი იძულებითი ღონისძიებები სახელმწიფოს არ დასჭირდება“, – განაცხადა მდინარაძემ.

შეგახსენებთ, რომ ხვალ, 4 თებერვალს საგაზაფხულო სესია იხსნება, რის პარალელურადაც ოპოზიცია პარლამენტთან პიკეტირებას და უმრავლესობის წევრი დეპუტატებისთვის ე.წ. სირცხვილის კორიდორის მოწყობას გეგმავს.

იტვირთბა....