“როიტერის” ცნობით, ესპანეთში ახალი კორონავირუსის პირველი შემთხვევა დადასტურდა. „როიტერი“ ინფორმაციას ესპანეთის მიკრობიოლოგიის ნაციონალურ ცენტრზე დაყრდნობით ავრცელებს.
მედიის ცნობით, ვირუსი კანარის კუნძულებზე მყოფ ადამიანს დაუდასტურდა. ის ერთ-ერთი იყო ხუთ პირს შორის, რომლებსაც ექიმები აკვირდებოდნენ.
პაციენტების იზოლირება მას მერე მოხდა, რაც გაირკვა, რომ კონტაქტი ჰქონდათ გერმანელ მამაკაცთან, რომელსაც კორონავირუსი აღმოაჩნდა.
შეგახსენებთ, ბოლო მონაცემებით, კორონავირუსით გარდაცვლილთა რიცხვი 259-მდეა გაზრდილი.