თუ ფარსია ეს ყველაფერი, მაშინ ბატონ შოთაძესთან მიმართებაში რატომ მოდის და რატომ სურს შეკითხვების დასმა?!” – აღნიშნულით პარლამენტის იურიდიულ საკითხთა კომიტეტის თავმჯდომარე ანრი ოხანაშვილი საპროკურორო საბჭოს ერთ-ერთი წევრის, “ევროპული საქართველოს” წარმომადგენლის ოთარ კახიძის განცხადებას გამოეხმაურა.
ოხანაშვილის შეფასებით, ოთარ კახიძის განცხადება პროცესის პოლიტიკურ დაინტერესებაზე მიუთითებს.
“თუ ფარსია ეს ყველაფერი, მაშინ ბატონ შოთაძესთან მიმართებაში რატომ მოდის და რატომ სურს შეკითხვების დასმა?! თუ ეს პროცესი მისთვის ფარსია, მაშინ საერთოდ აზრს უნდა იყოს მოკლებული მისი ამ პროცესში მონაწილეობა. ამიტომ, საკუთარ თავთან მოდიან წინააღმდეგობაში. ერთის მხრივ, ამბობენ, რომ ეს პროცესი არის დადგმული, თუ ასეა, რატომ აცხადებს, რომ სურს მოვიდეს და დასვას შეკითხვები საპროკურორო საბჭოში მხოლოდ ერთ კანდიდატთან. ეს მიუთითებს მათ პოლიტიკურ დაინტერესებაზე”, – აღნიშნა ანრი ოხანაშვილმა.
საპროკურორო საბჭოს ერთ-ერთი წევრის, “ევროპული საქართველოს” წარმომადგენლის ოთარ კახიძის განცხადებით, გენერალური პროკურორობის კანდიდატებთან გასაუბრებას, გარდა ყოფილი გენერალური პროკურორის ირაკლი შოთაძისა, არ დაესწრება.ოთარ კახიძე საპროკურორო საბჭოს სხდომას ბიძინა ივანიშვილის “მორიგ სპექტაკლს” უწოდებს.