ახალი ამბები მთავარი სამართალი

“ზაზა სარალიძე მიხეილ სააკაშვილის ფილიალიდან იმართება” – მიხეილ კალანდიას ადვოკატი

დღეს, საქალაქო სასამართლოში, ხორავას ქუჩაზე მომხდარი ტრაგედიის დროს დაღუპული დავით სარალიძის საქმეში ბრალდებული მიხეილ კალანდიას პროცესზე ბრალდების მხარის მოწმე, ექსპერტი დაიკითხა.

სხდომაზე ორი მოწმის, მათ შორის მირზა სუბელიანის ჩვენება უდავოდ ცნეს, შესაბამისად მირზა სუბელიანი სასამართლოში აღარ დაიკითხება.

„დღევანდელ პროცესზე დაიკითხა ერთი მოწმე, ექსპერტი, რომელსაც ჰქონდა ექსპერტიზა ჩატარებული იმ დაზიანებებზე, რა დაზიანებებიც არსებობდა როგორც გარდაცვლილების, ასევე კონფლიქტის სხვა მონაწილეების, მათ შორის ბრალდებულის ტანისამოსზეც. მომდევნო პროცესი გაგრძელდება კვლავ ბრალდების მხარის მტკიცებულებების გამოკველივით. ჯამში, დაახლოებით 20-მდე მოწმის უდავოდ ცნობა მოხდა პროცესის დაწყებიდან დღემდე. საქმე იმაშია, რომ წარმოდგენილია მოწმეთა ჩვენებები და თუკი ბრალდებისა და დაცვის მხარეები ერთობლივად განაცხადებენ, რომ რაც წერილობით გამოკითხვის ოქმში წერია, დამატებითი კითხვები ამ მოწმესთან არ აქვთ, ეს ჩვენებები მიჩნეულ იქნება უდავო მტკიცებულებად. ვთანხმდებით, რომ საკმარისია ის ინფორმაცია, რაც წერილობით ოქმში წერია. მათ შორის არის მირზა სუბელიანი“, – განაცხადა პროკურორმა მირიან მეგრელიშვილმა.

ადვოკატ ზურა თოდუას განცხადებით, ზაზა სარალიძე „ადამიანის უფლებათა დაცვის ცენტრისგან“ იმართება, რომელიც მიხეილ სააკაშვილის ფილიალია.

„ზაზა სარალიძეს ყველაფერი გასდიოდა ხელისუფლებასთან. მიჩვეულია, რომ უკარნახოს პროკურორს, უკარნახოს მოსამართლეს, უკარნახოს გამომძიებელს, უკარნახოს ზურაბ თოდუას და კალანდიას. ამას არ დავუშვებთ არავითარ შემთხვევაში, თუნდაც ირაკლი შოთაძის ხელახალ პროკურორობას კი არა, „ქართული ოცნების“ კიდევ ერთხელ არჩევას მისცეს ხმა. ისეთი მტკიცებულებები გამაჩნია მიხეილ კალანდიას უდანაშაულობის შესახებ, რაც არ უნდა იხტუნაოს და ვინც არ უნდა ახტუნაოს, ვინც დგას მის უკან, ძალიან კარგად არის ჩემთვის ცნობილი. ფაქტობრივად, ის იმართება „ადამიანის უფლებათა დაცვის ცენტრისგან“, რომელიც არის პირდაპირ მიხეილ სააკაშვილის ფილიალი და პროვოკაციისა და დესტაბილიზაციისკენ არის მიმართული. მისი წარმომადგენელი ამ ორგანიზაციის ადვოკატია. ზაზა სარალიძე ფაქტობრივად, ორივე პოლიტიკური ძალისგან იმართებოდა. მას შემდეგ, რაც მან ნაბიჯი გადადგა და მხარი დაუჭირა შოთაძის კანდიდატურას, მათ შორის არის დაძაბულობა. იმისთვის, რომ ზაზა სარალიძის გამოყენებას კიდევ აპირებენ ამ ორგანიზაციის წევრები და სხვები, მიმდინარეობს ომი ზაზა სარალიძის „დასათრევად“, – აღნიშნა მიხეილ კალანდიას ადვოკატმა ზურაბ თოდუამ.

შეგახსენებთ, რომ  დავით სარალიძის განზრახ ჯგუფურად მკვლელობის ბრალდებით  თბილისის საქალაქო სასამართლოში, დაკავებული მიხეილ კალანდიას პროცესი მიმდინარეობდა.

ავიაბილეთები იაფად
იტვირთბა....

სხვა ამბები

საქართველოში კორონავირუსის 2 654 ახალი შემთხვევა გამოვლინდა, გარდაიცვალა 33 პაციენტი

სამადაშვილი: დიახ, სხვაგანაც ხდება – ამიტომ არ გვაქვს უფლება ვთქვათ, რომ ოცნების პოლიტიკამ საგრძნობლად დაამძიმა კრიმინალური ვითარება?

ნაცვლიშვილი: ტურისტები აქ აღარ ჩამოვლენ, უსაფრთხო ქვეყანა კი არა, საშიში ქვეყანა ვართ!

მეზვრიშვილი: ქვეყანაში ადამიანებს – ჩვენს მოქალაქეებს, ტურისტებს, ქალებს, ბავშვებს – აქვთ დაუცველობის განცდა

ლიტერადან ნაწარმოები გელა ჩარკვიანმაც ჩახსნა

არსებული ინფორმაციით, თბილისში დაკარგული 31 წლის წლის ტურისტი მოკლული იპოვეს