ყასემ სოლეიმანის ლიკვიდაციამდე, ირანი შტატების ოთხ საელჩოზე თავდასხმას გეგმავდა – დონალდ ტრამპი ირანში განხორციელებულ ავიაიერიშთან დაკავშირებით ახალ დეტალებზე საუბრობს.
დონალდ ტრამპის განცხადებით, ერთ-ერთი სამიზნე ბაღდადში განთავსებული საელჩო უნდა ყოფილიყო. მისივე განმარტებით, ამერიკამ, გენერლის ლიკვიდაციით, ირანიდან მომდინარე საფრთხე აიცილა – ამის შესახებ პრეზიდენტმა fox news-სთან ინტერვიუში განაცხადა.
“შემიძლია გითხრათ, რომ ირანი შტატების 4 საელჩოზე თავდასხმას გეგმავდა. მათ შორის ვიცი, რომ ბაღდადში განთავსებული საელჩოც იყო. შესაძლებელი იყო ამის შეჩერება და ასეც მოვიქეცით. საელჩოების გარდა, შესაძლოა, ირანის სამიზნე სამხედრო ბაზები და სხვა დაწესებულებებიც ყოფილიყო, თუმცა ჩვენ სწრაფად ვიმოქმედეთ”- განაცხადა ტრამპა ინტერვიუში.
