ახალი ამბები მთავარი პოლიტიკა

“თუ ჯარი არ გვყავს, გამოდის, მთავარსარდალიც არ გვყავს – მაშინ, რა უნდა სალომე ზურაბიშვილს, რას გველაპარაკება” – ხუხაშვილი

“ეს არის მორიგი ექსტრავაგანდული განცხადება”, – ასე აფასებს ექსპერტი გია ხუხაშვილი “მეტრონომთან” საუბრისას პრეზიდენტ სალომე ზურაბიშვილის განცხადებას, რომ საქართველოს ჯარი არ ჰყავს.

ხუხაშვილის თქმით, პრეზიდენტი “მარტო სახლში” თამაშობს.

“მე ვფიქრობ, რომ საერთოდ თავი უნდა დავანებოთ სალომე ზურაბიშვილის კომენტირებას. ასეთი განცხადება მთავარსარდლის მხრიდან, რომ ჯარი არ გვყავს, გამოდის, რომ მთავარსარდალიც არ გვყავს, არც პრეზიდენტი გვყავს და რას გველაპარაკება, რა უნდა?! ის არის მთავარსარდალი, რომელსაც ჯარი არ ჰყავს?” – აცხადებს გია ხუხაშვილი.

შეგახსენებთ, გუშინ, 10 დეკემბერს პრეზიდენტმა, სალომე ზურაბიშვილმა განაცხადა: არც ჯარი გვაქვს, არც იარაღი და არც გვექნება. ზურაბიშვილის აღნიშნულ განცხადებას საზოგადოების მხრიდან კრიტიკა მოჰყვა.

 

ავიაბილეთები იაფად
იტვირთბა....