ქუთაისში, ოპოზიციური პარტიის წარმომადგენლებს, რომლებიც აბაშიძის ქუჩაზე მდებარე სკვერში არიან შეკრებილები, კვერცხები ესროლეს. ამ დროისთის აქცია უკვე დაიწყო.
კვერცხები, სავარაუდოდ მაღალსართულიანი კორპუსების სახურავებიდან ისროლეს.
შეგახსენებთ, რომ დღეს ოპოზიცია და სამოქალაქო აქტივისტები ქუთაისში საპროტესტო აქციას მართავენ. აქცია-მსვლელობა ასევე იმართება ბათუმშიც.
აქციაზე იმყოფებიან სხვადასხვა პარტიის ლიდერები, მათ შორის გრიგოლ ვაშაძე, გიორგი ვაშაძე, გიგა ბოერია, გიგი უგულავა და რომან გოცირიძე.