“ბერას, როგორც კერძო პირს (ის არ არის საჯარო მოხელე), სრული უფლება აქვს ისე მოიქცეს, როგორც მიაჩნია საჭიროდ”, – ამის შესახებ პოლიტილოგი გია ხუხაშვილი სოციალურ ქსელში წერს.
ხუხაშვილის თქმით, ასევე აქვს ყველას უფლება, ჰქონდეს ამაზე საკუთარი აზრი.
“ბერასთან დაკავშირებული ვნებათაღელვა:
1. ასახავს არა მის მიმართ, არამედ მამამისის, ანუ ხელისუფლის მიმართ დამოკიდებულებას საზოგადოების გარკვეული ნაწილის მხრიდან.
2. ასახავს საზოგადოებაში არსებულ მაღალ სოციალურ რისკებს, რაც აგრესიაშია გადასული.
3. განსაკუთრებით ტრაგი-კომიკულია ე.წ. ოფინიონ-მეიქერების შეფასებები ამ განწყობასთან დაკავშირებით, რაც არაფერს ცვლის, გარდა იმისა, რომ მათ ჰგონიათ – თავისი ფსევდო-მორალიზმით მიწიერ ან ზეციურ ღმერთებთან ქულებს იწერენ”, – წერს ხუხაშვილი “ფეისბუქის” საკუთარ გვერდზე.
შეგახსენებთ, ბერა ივანიშვილმა განაცხადა, რომ ამაზონის ტყის გადასარჩენად 1.1 მილიონ დოლარს გადარიცხავს.
.
