“ჩვენ გადავამოწმეთ ინფორმაცია და ექსტრადირების შემთხვევაში, სუმბაევს სიკვდილით არ დასჯიან” – ასე ეხმაურება სახალხო დამცველი ნინო ლომჯარია რუსი ჰაკერის სუმბაევის ექსტრადირების საკითხს.
როგორც ლომჯარია აცხადებს მათ მიერ გადამოწმებული ინფორმაციის თანახმად სუმბაევის სიცოცხლეს რუსეთში საფრთხე არ ემუქრება.
“მას ჰქონდა მიმართული სახალხო დამცველისთვის. მოთხოვნა იყო ის, რომ ექსტრადირების შეთხვევაში შეიძლებოდა დაქვემდებარებოდა სიკვდილის დასჯას და ეს იყო მათი მხრიდან მოთხოვნა. ჩვენ გადავამოწმეთ და რამდენადაც მე ვიცი, ექსტრადირების შემთხვევაში, ის არ დაექვემდებარება სიკვდილით დასჯას, ეს არის ინფორმაცია, რაც ჩვენ გადავამოწმეთ. სხვა მიმართვა ან განცხადება ჩვენი მისამართით არ ჰქონია და არ შეგვიძლია უფრო მეტის გაკეთება” – ამბობს სახალხო დამცველი.
შეგახსენებთ, რომ შეგახსენებთ, რომ რუსი ჰაკერის საქართველოდან ექსტრადაცია განხორციელდა.
კრემლის მიერ დევნილი იაროსლავ სუმბაევი რუსეთის მხარეს ლარსისი გამშვებ პუნქტზე გადასცეს.