ხაშურის რეფერალურ ჰოსპიტალში მშობიარე ქალი და ჩვილი გარდაიცვალნენ. 40 წლის ქალი, რომელსაც ოთხი შვილი დარჩა, კლინიკაში გუშინ, საღამოს ათ საათზე შეიყვანეს.
ხაშურის რეფერალურ ჰოსპიტალში აცხადებენ, რომ კლინიკის გადაწყვეტილებით, ექიმს საქმიანობის უფლება უკვე შეუჩერდა.
„ტრაგიკული ფაქტი მოხდა. შიდა მოკვლევის გარდა, საქმეში სამინისტროს რეგულირების სამსახურიც არის ჩართული. გარკვეულ ეტაპზე, ვფიქრობთ, რომ შეცდომა დაშვებული იყო. კლინიკამ ექიმს საქმიანობა შეუჩერა. რა იყო მიზეზი და რა მოხდა, მოკვლევა დაადგენს“, – განაცხადა საზოგადოებრივ მაუწყებელთან საუბრისას კლინიკის ხელმძღვანელმა, კახა ხელაძემ.