თურქეთში, ადანას პროვინციაში მომხდარი აფეთქების შედეგად პოლიციის თანამშრომელი და ოთხი გამვლელი დაშავდა. თურქული საინფორმაციო სააგენტოს ინფორმაციით, ადგილობრივი ხელისუფლება მომხდარ ფაქტს “ტერორისტულ აქტად” აფასებს.
აფეთქება პოლიციელებისთვის განკუთვნილ მინი-ავტობუსში მოხდა.
ასაფეთქებელი მოწყობილობა, სავარაუდოდ, თვითნაკეთი იყო. ჯერჯერობით უცნობია, თუ ვინ არის პასუხისმგებელი მომხდარზე.